Шупашкар тата Чăваш митрополичĕ Варнава ку тĕнчерен куçса кайнăранпа 5 çул çитрĕ

Çĕртме уйăхĕн 1-мĕшĕнче, Мăнкун хыççăнхи 7-мĕш эрнере, Шупашкар тата Чăваш митрополичĕ Варнава ку тĕнчерен куçса кайнăранпа 5 çул çитрĕ. Ăна асăнса ирттернĕ кĕлле Пукравпа Татиана чиркĕвĕнче Чăваш митрополийĕн пуçлăхĕ, Шупашкар тата Чăваш митрополичĕ Савватий ертсе пычĕ.

Хисеплĕ митрополита аса илсе уншăн кĕлтума чиркĕве халăх нумайăн пуçтарăнчĕ. Чăваш митрополийĕн пуçлăхне Канаш епископĕ Стефан, Василий (Паскье) архимандрит, Иов (Мркелов) иероманах, собор настоятелĕ Николай Иванов протоиерей, округсен благочиннăйĕсем, Чăваш митрополийĕнчи чиркӳсен настоятелĕсемпе клирикĕсем пулăшса пычĕç. Священниксем Раççей çĕрĕнчи тăнăçлăхшăн Турра тархасларĕç, Варнава митрополита ĕмĕрлĕх пурнăçра канăçлăх сунса кĕлтурĕç.

Служба вăхăтĕнче Пукравпа Татиана чиркĕвĕн Кира Степанова ертсе пыракан хор юрларĕ. Литурги вăхăтĕнче Савватий митрополит Андрей Медведева дьякона кĕртрĕ. Владыка пилленипе Иоанн Маштаков иерей Кирилл Святейши Патриарх Пĕтĕм Тĕнчери Пĕрремĕш Пуху пулнăранпа 1700 çул çитнĕ ятпа саламласа янă çырăва вуласа пачĕ. Кĕлĕ вĕçленнĕ май Варнава митрополита асăнса лития юрларĕç, Савватий митрополит хайĕн сăмахне каларĕ.

Чиркĕве çӳрекенсем хисеплĕ те юратнă Варнава владыка çинчен ăшшăн аса илеççĕ.

Мария Матвеева, чиркĕве çӳрекен: Вăл пирĕншĕн яланах сывă. Эп часто ун вилтăпри çине каяп та унпа эп калаçап. Унпа калаçса чун лăпланать. Вăл пирĕнтен уйрăлса кайман, вăл пирĕнпе пĕрле. Пирĕн вăл чĕрере, пирĕн вăл чунра, эпир ăна юратнă, и халь те юрататпăр. 

Вера Федорова, чиркĕве çӳрекен: Эп ăна астуни — ача пĕчĕккĕренпе çӳреме пуçланă. Аннепе пĕрле ача пĕчĕккĕ чух ялан ун патне çӳренĕ. Вăл яланах ăшшăн кăмăлпа ăнлантарса лайăх пиллесе паратчĕ пире. Унăн пиле пире яланах пулăшса пынă. 

Кăнтăрла иртсен Савватий митрополит Сергий Радонежский ячĕпе лартнă чиркӳ алтарĕ çумĕнче, ĕмĕр асăнма тивĕçлĕ Варнава владыкăн вилтăпри çинче, лития ирттерчĕ.

Роза Деменцова, Зинаида Паршагина, Шупашкар епархийен пресс-служби

Может быть интересно

Глава Чувашской Республики Олег Николаев поздравил жителей Новочебоксарска с 65-летием города

30.08.2025

Поручение Главы Чувашии Олега Николаева – исполнено: ПАО «Т Плюс» произвело перерасчет

29.08.2025

Уроки танцев и День поселка: самые интересные события предстоящих выходных – на сайте проекта Олега Николаева «Яркое лето Чувашии»

29.08.2025

Начался процесс печати избирательных бюллетеней для голосования на выборах Главы Чувашии

29.08.2025

Олег Николаев дал старт работе современного животноводческого комплекса в Чебоксарском округе

29.08.2025

Чувашия поделилась опытом масштабных проектов с Главой Республики Марий Эл Юрием Зайцевым

29.08.2025

Участники окружного совещания по развитию экспорта посетили передовое производство компании «Релематика»

29.08.2025

Правительство региона рассмотрело вопросы медицинской помощи и поддержки самозанятых

29.08.2025